छोटो समयमा नै सुरक्षा ब्यवस्था कसिलो बनाएको भन्दै प्रहरी निरिक्षक रामनारायण गुप्ता विनयी त्रिवेणी गाउँपालिकाका स्थानीय बासीको नजरमा स्यावासको पात्र बनेका छन् । उत्कृष्ट कार्य गरेको भन्दै गण्डकी प्रदेश प्रहरी कार्यालयबाट समेत गुप्ता सम्मानित भइसकेका छन् ।
सुरेश परियार,साउन १० गते,
नवलपुर जिल्लाको विनयी त्रिवेणी गाउँपालिकामा हुने अनैतिक क्रियाकलापलाई निरुसाहित पार्न प्रहरी निरिक्षक रामनारायण गुप्ता विशेष रणनितिका साथ अघि बढेका छन् । जिल्ला प्रहरी कार्यालय दाङबाट सरुवा भई इलाका प्रहरी कार्यालय दुम्कीबासको प्रमुखमा आएका प्रहरी निरिक्षक गुप्ताले अवैध हुने गतिविधीलाई नियन्त्रणमा लिई आम जनतालाई शान्ति सुरक्षाको प्रत्याभुति दिलाएको पाइएको छ ।
सरुवा भई आएको तिन महिनामा प्रहरी निरिक्षक रामनारायण गुप्ताको कमाण्डमा खटिएको टोलीले भन्सार छलि गरि ल्याएका सामाग्री नियन्त्रण,मापदण्ड विपरित खोलाजन्य पदार्थ ओसार पोसार गर्ने सवारी साधन र लागुऔषध बरामद जस्ता साहसिक काम गरेको पाइएको छ ।
खासमा यो क्षेत्र भारतीय सिमा नाका संग जोडिएकाले ३ महिनामा भन्सार छलि गरि ल्याएको १९ लाख बराबरको सामान बरामद गरिएको छ । बरामद सामाग्री अन्र्तगत कस्मेटिक सामाग्री,कपडा,हार्डवेयर सामाग्री,मोबाईल सेट,चिनी लगायत सामाग्री रहेका छन भने बरामद गरिएका ति अवैध सामाग्री आवश्यक कार्वाहीका लागी भन्सार कार्यालय महेशपुर पठाइएको प्रहरी निरिक्षक गुप्ताले जानकारी दिए ।
यस्तै,अवैध रुपमा खोलाजन्य पदार्थ उत्खनन् तथा ओसारपोसारमा प्रयोग भएका ट्याक्टर र टिप्पर गरि ५१ वटा सवारी साधनलाई नियन्त्रणमा लिई जरिवाना स्वरुप रु.९ लाख भन्दा बढि राजश्व संकलन भएको छ ।यसैगरि नाईट्राभेट,स्पाष्मो र फेनारागन,नुफिन जस्ता लागुऔषध सहित ४ जना प्रतिवादलाई नियन्त्रणमा लिई मुद्धा चलाइएको छ ।
छोटो समयमा नै सुरक्षा ब्यवस्था कसिलो बनाएको भन्दै प्रहरी निरिक्षक रामनारायण गुप्ता विनयी त्रिवेणी गाउँपालिकाका स्थानीय बासीको नजरमा स्यावासको पात्र बनेका छन् । उत्कृष्ट कार्य गरेको भन्दै गण्डकी प्रदेश प्रहरी कार्यालयबाट समेत गुप्ता सम्मानित भईसकेका छन् ।
प्रतिक्रिया दिनुहोस्