रुपन्देही स्थित सैनामैनाका फुटबल प्रशिक्षार्थीहरुलाई एक मनकारी समाजसेवी मिलन वि.कले खेलकुद सामाग्री सहयोग गरेका छन् । सैनामैना नगरपालिका वडा न.८ निवासी मिलन वि.क(हाल ईन्डियन आर्मी)ले सोही वडामा रहेको बुद्धभुमि एकेडेमीमा आवद्ध प्रशिक्षार्थीहरुलाई प्रशिक्षण प्रयोजनका लागी विभिन्न फुटबल सामाग्री प्रदान गरेका हुन् ।एक हस्तान्तरण कार्यक्रममा एक सेट हटल्स,ल्याडर एक सेट,प्यारासुट एकसेट,कुन एक सेट(सानो,ठुलो),मार्कर एक सेट लगायत फुटबल सामाग्री प्रदान गरिएको हो ।
सो कार्यक्रममा आफना कुरा राख्दै सहयोगीदाता मिलन वि.कले खेलाडीको प्रोत्साहनका लागी सानो सहयोेग गरेको बताएका छन् । ग्रामिण क्षेत्रमा खेलाडीहरुलाई खेलकुद सामाग्री अभाव हुँदा उनीहरुको खेलप्रतिको मोह घट्दै जाने तर्क गर्दै वि.कले त्यसैले खेलाडी राष्ट्रका गहना भएकोले उनीहरुको श्रीवृद्धिमा लाग्न आग्रह गरे । तिनै तहको सरकारले खेलाडीहरुलाई खेल खेल्न उपयुक्त वातावरण सृर्जना गर्न समेत जोडदार माग वि.कले गरे । आफुले सहयोग गरेर सन्देश दिन चाहेको कुरा उल्लेख गरे ।आजका खेलाडीले भविष्यमा देशको नाम रोशन गर्न सक्ने बताउँदै खेलाडीलाई चाहिने सहयोग गर्दै जाने प्रतिबद्धता मिलन वि.कले गरेका छन् ।
कार्यक्रममा बुद्धभुमि एकेडेमीका अध्यक्ष तथा राष्ट्रिय फुटबल रेफ्रि मुकेश थापाले सहयोग सामाग्री ग्रहण गर्दै मनकारी दाताप्रति आभार प्रकट गरेका छन् । मैदान,प्रशिक्षण सामाग्रीको अभावले गर्दा खेलाडीहरुले स्तरीय प्रशिक्षण नपाएको गुनासो पोख्दै खेलकुदको विकासका लागी सरकार जिम्मेवार बन्नुपर्ने कुरा रेफ्रि थापाले दर्साए । सरकारले गर्न नसकेको काम एक मनकारी दाताले गरेको भन्दै प्रशंसनिय कार्यको सिको सरकारले गर्नुपर्ने बताए ।
खेलकुद सामाग्री पाए संगै प्रशिक्षार्थीहरुले खुशी व्यक्त गर्दै खेलकुदकै माध्यमबाट उत्कृष्ठ खेलाडी बन्न सहयोग मिल्ने उल्लेख गरे । कार्यक्रममा समाजसेवीहरु शिव श्रेष्ठ,घमन मगर,राजन गौतम लगायतको उपस्थिति रहेको थियो ।
ः
प्रतिक्रिया दिनुहोस्