सुरेश परियार,साउन ११ गते,
नवलपुर जिल्लाको बिनयी त्रिवेणी गाउँपालिका स्थित दाउन्नेमा बसमा आगो लाग्दा बसमा सबार २५ जना यात्रु घाइते भएका छन । जसमध्ये ६जना गम्भीर घाइते छ्न ।
आज(बुधबार) बिहान ५:३० बजे महेन्द्रनगरबाट काठमाण्डौ जाँदै गरेकोे ना ५ ख ५१०० नम्बरको यात्रु बहाक बस बिनयी त्रिवेणी गाउँपालिका वडा न.२ रमाइलोडाडाँमा एक्कासि दुर्घटना भई बसमा अचानक आगो लागेको इलाका प्रहरी कार्यालय दुम्किबासका प्रहरी निरीक्षक रामनारायण गुप्ताले जानकारी दिए ।
घाइते सबैलाई जिल्ला अस्पताल डण्डामा उपचारका लागी पठाइएको प्रहरी निरिक्षक गुप्ताले उल्लेख गरेका छन् भने घाइतेको पहिचान अझै खुल्न सकेको छैन् । तिव्र गतिका कारण दुर्घटना भएको हुन सक्ने प्रहरीले अनुमान गरेको छ भने घटना सम्बन्धी थप अनुसन्धान भईरहेको प्रहरीले जनाएको छ ।
प्रतिक्रिया दिनुहोस्