सुरेश परियार,कात्तिक २१ गते ।रुपन्देहीको लुम्बिनी साँस्कृतिक नगरपालिकालाई स्वच्छ र हरावरा नगर बनाउन संघन रुपमा सरसफाई अभियानले निरन्तरता पाएको छ ।नगरप्रमुख सजरुद्धीन मुसलमानको नेतृत्वमा उपप्रमुख कल्पना हरिजन सहित नगरपालिकाका लुम्बिनी विकास कोष,युएनडिपी नेपाल,स्थानीय संघसंस्था,सुरक्षाकर्मी,आमा समुह,नगरपालिका जनप्रतिनिधिको सहकार्यमा लुम्बिनीमा सरसफाई अभियानले निरन्तरता पाएको नगरपालिकाका वास संयोजक शेषराम यादवले जानकारी दिए ।
सरसफाई अभियानको दोस्रो हप्ताको दिनमा लुम्बिनी साँस्कृतिक नगरपालिका वडा न.६अन्र्तगत पर्साचोकमा सरसफाई गरिएको हो ।
सो अभियानमा सरिक हुँदै नगरप्रमुख सजरुद्धीन मुसलमानले नगरलाई स्वच्छ र वातावरण अनुकुल बनाउन चाहेको बताएका छन् । घरायसी अथवा विभिन्न क्रियाकलापबाट निस्केका फोहोरलाई समुचित रुपमा व्यवस्थापन गर्न आग्रह गर्दै आफनो गाउँ,आफै सफा राखौँ भन्ने अभियानलाई आत्मसाथ गर्नुपर्ने मेयर सजरुद्धीनले उल्लेख गरे । फोहोरमैला व्यवस्थापनलाई दिगो रुपमा समाधान गर्नका लागी प्रयास थालनी भैसेकेको समेत बताउदै यो अभियानमा साथ दिन सबैलाई आग्रह गरेका छन् ।
आफु संगै संगै टोल सफा राख्नु आजको आवश्यकता रहेको उपमेयर कल्पना हरिजनले बताईन् । फोहोरले विभिन्न रोग निम्ताउने बताउदै उपमेयर हरिजनले यसको सफाईमा मानव जिवन बढि संवेदनशिल बन्नुपर्ने कुरा दर्साईन् । नगरमा सरसफाई अभियान निरन्तर चलिरहने समेत उल्लेख गरिन् ।फोहोर व्यवस्थापन र दैनिक सरसफाईमा स्वंय आफै जिम्मेवार बन्नुपर्ने लुम्बिनी साँस्कृतिक नगरपालिका वडा न.६का वडाअध्यक्ष नईमुलहक मुसलनमानले बताएका छन् ।प्रत्येक हप्ताको सोमबार सरसफाई गरिने नगरपालिकाले जनाएको छ ।
प्रतिक्रिया दिनुहोस्