देविस्थान ‐दुधराक्ष)खानेपानी उपभोक्ता तथा सरसफाई संस्थाको अध्यक्षमा ऋषिराम पाण्डे सर्वसम्मत चयन भएका छन् ।खानेपानीको तेस्रो साधारण सभा तथा दोस्रो अधिबेशनले अध्यक्षमा पाण्डेलाई चयन गरेको हो ।संस्थाको अध्यक्षमा ३ जनाको उम्मेद्धवारी भएपनि निर्वाचन कार्यतालिका अनुसार उम्मेद्धवारी फिर्ता लिने समयमा दुई जनाले उम्मेद्धवारी फिर्ता गरे संगै ऋषिराम पाण्डेले अध्यक्ष पद आफ्नो पोल्टामा पार्न सफल भएका हुन् ।
नवसमितिको उपाध्यक्षमा देवि भण्डारी,सचिबमा मोदनाथ बस्याल,कोषाध्यक्षमा सरोज पन्थ र सदस्यहरुमा दिपकराज दगासे,लक्ष्मी न्यौपाने,पारेश्वर ढकाल,निर्मला गौतम,सरिता चौधरी,सन्तोष परियार,घनश्याम भुषाल रहेका छन् ।यस्तै,लेखा समितिको संयोजकमा मुक्तिनाथ ज्ञवाली र सदस्यहरुमा तेजेन्द्र थापा,दिवाकर ढकाल रहेका छन् ।
संस्थाका नवअध्यक्ष ऋषिराम पाण्डेले उपभोक्ताको हितमा काम गर्ने प्रतिबद्धता ब्यक्त गरेका छन् । पानीमा शुद्धता संगै पर्याप्त पानी दिलाउन अहोरात्र खटिने बताउदै अध्यक्ष पाण्डेले निवर्तमान समितिले राखेका भावी योजनालाई कार्यान्वयन गर्ने कुरा औँल्याए ।
प्रतिक्रिया दिनुहोस्