सुरेश परियार,
रुपन्देही प्रहरीले हातहतियार सहित दुई जनालाई पक्राउ गरेको छ । गत कात्तिक १० गते साँझ ६ बजे चेकजाँच गर्ने क्रममा कोटहीमाई वडा न.१ सिपवाबाट दुई थान पेस्तोल,६ थान गोली बरामद भएको रुपन्देही प्रहरी कार्यालयका प्रहरी उपरिक्षक रविन्द्र रेग्मीले जानकारी दिए ।
पत्रकार सम्मेलन मार्फत सो घटनालाई सार्वजनिक गर्दै पक्राउ पर्नेमा युपि लेखेको मोटरसाइकलमा आएका दुई भारतीय नागरिक उत्तर प्रदेशको गोरखपुरथाना चिलुवाताल पोष्ट मोहरीपुर ग्राम भगवानपुर बस्ने वर्ष २८का सुनिल कुमार सहानी,उत्तर प्रदेशको गोरखपुरथाना सहजनवा पोष्ट ग्राम घगसरा रिठुअखरओर बस्ने वर्ष २६का शशिकांत भट्ट रहेका छन् ।
घटनामा संलग्न ति दुई भारतीय नागरिकले गते असोज २३ गते लुम्बिनी साँस्कृतिक नगरपालिका वडा न.११ मोग्लाह स्थित लुम्बिनी रेमिट एण्ड कम्युनिकेशनका कर्मचारीबाट दश लाख ९० हजार लुटपाट गरेका थिए । घटना सम्बन्धी थप अनुसन्धान भईरहेको प्रहरी एसपी रेग्मीको भनाई छ ।
प्रतिक्रिया दिनुहोस्