विभिन्न विधामा विजेता हुने विधार्थीहरुलाई पुरस्कारद्धारा पुरस्कृत गरिएको छ ।सहिद नारायण पोख्रेल रामापुर क्याम्पसको आयोजनामा भएको एनवल स्पोर्ट मिट कार्यक्रममा विविध खेलका विधाहरुमा सफल विधार्थीहरुलाई पुरस्कारद्धारा सम्मान गरिएको क्याम्पस प्रमुख हेमन्त थापाले जानकारी दिए ।
सोही कार्यक्रमलाई सम्बोधन गर्दै सैनामैना नगरपालिकाका मेयर फणेन्द्र प्रसाद शर्माले पश्चिम क्षेत्रमै शैक्षिक प्रतिष्ठानको रुपमा सहिदलाई लिन सकिने बताउँदै शैक्षिक पठनपाठन संगै अतिरिक्त क्रियाकलापमा समेत अग्रस्थानमा रहेको बताए । क्युएए प्राप्त देशकै नमुना यस क्याम्पसका लागी आवश्यक सहयोग गर्न नगर तयार रहेको नगरप्रमुख शर्माको प्रतिबद्धता रहेको छ ।
यस्तै,कार्यक्रममा क्याम्पसका क्याम्पस प्रमुख हेमन्त थापाले क्याम्पसमा अध्ययनरत विधार्थीहरुको सर्वाङगिण विकासका लागी विधार्थीमुखी क्रियाकलाप संञ्चालन गर्दै आएको बताएका छन् ।शैक्षिक गुणस्तरियता संगै खेलहरुमा पनि विधार्थी अब्बल छन् भने सन्देश दिन क्याम्पसमा खेलहरु संञ्चालन हुँदै आएका छन् ।
क्याम्पसका सभाहलमा भएको कार्यक्रम सहायक क्याम्पस प्रमुख जगलाल गिरिको अध्यक्षता,प्राध्यापक गणेश पोख्रेलको स्वागत तथा प्राध्यापक प्रकाश आचार्यको संञ्चालनमा कार्यक्रम सम्पन्न भएको हो ।
प्रतिक्रिया दिनुहोस्