रुपन्देहीको सैनामैनामा सवारी दुर्घटनामा परि एक जनाको मृत्यु भएको छ भने ८ जना घाइते भएका छन् । आज विहान ११ बजे पुर्व पश्मि राजमार्ग अन्र्तगत सैनामैना वडा न.४ मुर्गिया स्थित झारबैरामा मिनि बस र पिकअप गाडी एकआपसमा ठोक्कीएको स्थानीयलाई उद्ध्र्रत गर्दै बताईएको छ ।
बुटवलबाट पश्चिम तर्फ आउँदै गरेको लु ३ त ४३८४ नम्बरको पिकअप र विपरित दिशाबाट आईरहेको लु २ ख ८७८५ नम्बरको मिनिबस आपसमा ठोक्कीएको हो । पिकअपमा सवार ९ जना मध्ये एक जनाको उपचारको क्रममा मृत्यु भएको छ भने ८ जना घाइते मध्ये एक जनाको अवस्था गम्भीर रहेको बताईएको छ।मृत्यु हुनेमा सुद्धोधन गाउँपालिका वडा न.१ बस्ने वर्ष अन्दाजी १९का दिलिप लोनीया रहेको बताईएको छ । घाईतेहरु लुम्बिनी प्रादेशिक अस्पतालमा उपचार भईरहेका छन् ।
पिकअप गाडी तरकारी छोडेर मुर्गिया फर्किने क्रममा र मिनि बस बुटवल ग्यारेजमा जाने बेला सो दुर्घटना भएको हो ।घाइतेको पहिचान खुल्न बाँकी रहेको छ भने थप अनुसन्धान ईलाका प्रहरी कार्यालय रन्यौराले अघि बढाई रहेको छ ।
प्रतिक्रिया दिनुहोस्