सुरेश परियार,असोज ३१ गते,
रुपन्देहीको गैडहवा गाउँपालिकाका अध्यक्ष सुरेन्द्र पौडेल चढ्ने गाडी दुर्घटना हुदाँ चार जना घाइते भएका छन जसमध्ये एक जना गम्भीर घाइते भईकी छन् ।बुटवल भैरहवा सडक खण्ड अन्र्तगत पर्ने ओमसतिया गाउँपालिका वडा न.२ अंञ्चलपुरमा गयराती २:३० बजे लु १ झ ३७२ न.को सरकारी गाडी दुर्घटनामा परेको हो । सो गाडी गैडहवा गाउँपालिकाका प्रमुख प्रशासकीय अधिकृत कृष्ण पन्थीले चलाएका थिए ।
दुर्घटनामा परि बुटवल उपमहानगरपालिका वडा न.१२ बस्ने वर्ष ४० की शान्ता पौडेल गम्भीर घाइते भएको प्रहरीले जनाएको छ । घाइते शान्ता पालिका शिक्षा शाखा प्रमुख माधव पौडेलको श्रीमती हुन् ।यस्तै,सामान्य घाइते हुनेमा गाउँपालिका प्रमुख प्रशासकीय अधिकृत कृष्ण पन्थी र उनका श्रीमती वर्ष ३९की तारा पन्थी,गाउँपालिकाका शिक्षा शाखा प्रमुख माधव पौडेल रहेका छन् ।
घाइतेलाई भिम अस्पताल भैरहवा उपचारका लागी पठाईएको रुपन्देही प्रहरीले जनाएको छ । गाडी अनियन्त्रित भएर पोलमा ठोक्कीएको प्रहरीको प्रारम्भीक अनुसन्धानले देखाएको छ भने घटना सम्बन्धी थप अनुसन्धान अघि बढेको जनाइएको छ ।
प्रतिक्रिया दिनुहोस्